Naxçıvanda 7 ayda kommersiya qurumlarının 64 %-i elektron müraciətlə uçota alınıb

Bu ilin yanvar-iyul aylarında Naxçıvan Muxtar Respublikasında 4.278 yeni vergi ödəyicisi qeydiyyata alınıb.

Bu barədə "Report"un yerli bürosuna İqtisadiyyat Nazirliyi yanında Dövlət Vergi Xidmətindən bildirilir.

Məlumata görə, bunun 4 090-ı fiziki şəxslər, 188-i isə hüquqi şəxslər və digər təşkilatlar olub. Qeydiyyata alınmış vergi ödəyicilərinin sayı ötən ilin eyni dövrü ilə müqayisədə 20,8 % artıb.

7 ayda kommersiya qurumlarının 63,8 %-i elektron qaydada, 36,2 %-i isə kağız daşıyıcılar vasitəsilə müraciətlər əsasında uçota alınıb.