Logistika sahəsində KOB-ların fəaliyyəti müzakirə edilib

Azərbaycanın logistika sahəsində kiçik və orta biznesin fəaliyyəti müzakirə olunub.

"Report" xəbər verir ki, bununla bağlı Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov "Hellmann Worldwide Logistics" şirkətinin nümayəndələri ilə görüşüb.

Şirkətin Türkiyə üzrə baş direktoru Cem Akgül və Azərbaycan üzrə direktoru Kamran Həbibov ilə keçirilmiş görüşdə logistika sahəsində KOB-ların fəaliyyətinə və bu sahədə əməkdaşlıq imkanlarına dair fikir mübadiləsi aparılıb.