KOBİA-nın sədrinin iştirakı ilə Cəlilabadda sahibkarların görüşü keçirilib

Cəlilabad rayonunda İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) idarə heyətinin sədri Orxan Məmmədovun iştirakı ilə sahibkarların görüşü keçirilib.

"Report" bu barədə Rayon İcra Hakimiyyətinə istinadən xəbər verir.

Məlumata görə, görüşdə icra başçısı Rafiq Cəlilov, onun müavini - Sosial-iqtisadi inkişafın təhlili və proqnozlaşdırılması şöbəsinin müdiri Nazim Şükürov, Milli Məclisin deputatı Elman Nəsirov və sahibkarlar iştirak edib. Onlar qarşılaşdıqları çətinlikləri səsləndirib və hər bir məsələnin həlli üzrə Orxan Məmmədov heyətə yerindəcə tapşırıqlar verib.