KOBİA-nın keçmiş sədr müavini Ukraynada yüksək vəzifəyə təyin olunub

KOBİA-nın keçmiş sədr müavini Ukraynada yüksək vəzifəyə təyin olunub İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) İdarə Heyəti sədrinin keçmiş müavini olmuş Tamerlan Vahabov Ukraynanın daxili işlər nazirinin müşaviri, nazirlikdə yeni yaradılmış İslahatlar İdarəsinin rəhbəri vəzifəsinə
Biznes
195
29 Noyabr , 2021 14:56
KOBİA-nın keçmiş sədr müavini Ukraynada yüksək vəzifəyə təyin olunub

İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) İdarə Heyəti sədrinin keçmiş müavini olmuş Tamerlan Vahabov Ukraynanın daxili işlər nazirinin müşaviri, nazirlikdə yeni yaradılmış İslahatlar İdarəsinin rəhbəri vəzifəsinə təyin olunub.

“Report”un əldə etdiyi məlumata görə, o, ötən aydan vəzifəsinin icrasına başlayıb.

Ukraynanın Daxili İşlər Nazirliyinə milli polis, milli qvardiya, sərhəd qoşunları, miqrasiya xidməti, fövqəladə hallar xidməti və dövlət xidmətləri mərkəzi daxildir. Yeni yaradılmış İslahatlar İdarəsi bu sahələr üzrə islahatların təşkili və səmərəli həyata keçirilməsini təmin edəcək.

T.Vahabov 1982-ci ildə anadan olub,1998-2002-ci illərdə Daxili İşlər Nazirliyinin Polis Akademiyasında Hüquq, 2003-2006-cı illərdə Azərbaycan Dövlət İqtisad Universitetində İqtisadiyyatın hüquqi tənzimlənməsi üzrə bakalavr, 2007-2010-cu illərdə ABŞ-ın Corctaun Universitetinin Diplomatik Xidmət Məktəbində İqtisadiyyat və beynəlxalq münasibətlər, ABŞ Hərbi Dəniz Qüvvələri Ali Məktəbində Müdafiə məsələlərinin planlanması və təhlili üzrə magistr təhsili alıb.

O, 2002-2012-ci illərdə Daxili İşlər Nazirliyində BMT-nin İnkişaf Proqramının layihəsində, Fransada İnterpolun Baş Katibliyində, Xarici İşlər Nazirliyində, ABŞ-da Atlantik Şurasında “Qara Dəniz-Xəzər enerji təhlükəsizliyi” layihəsində, Ukraynanın “Kyiv Weekly” qəzetində müxtəlif vəzifələrdə çalışıb, 2012-2020-ci illərdə İKT sahəsində sahibkarlıq fəaliyyəti ilə məşğul olub, 2020-ci ildə KOBİA-nın İdarə Heyəti sədrinin müşaviri və sədr müavini, daha sonra isə Tranzit Yükdaşımalar üzrə Koordinasiya Şurasının yaratdığı Birləşmiş Tranzit Operatorunun direktoru vəzifələrində çalışıb.

Son xəbərlər

Orphus sistemi