KOBİA “Məşğulluq marafonu”na qoşulub

KOBİA “Məşğulluq marafonu”na qoşulub Artıq KOBİA-nın çağrışı ilə 200-ə yaxın sahibkarlıq subyekti 340-dan çox vakant iş yerini qazilərimizin və şəhidlərimizin ailə üzvlərinin məşğulluğuna dəstək üçün təqdim edib
Biznes
157
7 İyul , 2021 13:37
KOBİA “Məşğulluq marafonu”na qoşulub

İqtisadiyyat Nazirliyi yanında Kiçik və Orta Biznesin İnkişafı Agentliyi (KOBİA) Vətən Müharibəsi şəhidlərinin ailə üzvlərinin və qazilərin məşğulluğunun təmin edilməsi məqsədilə Əmək və Əhalinin Sosial Müdafiəsi Nazirliyi tərəfindən başladılan “Məşğulluq marafonu”na qoşulub.

Bu barədə “Report” KOBİA-ya istinadən xəbər verir.

Bildirilib ki, bu məqsədlə KOBİA tərəfindən mövcud və yeni yaradılacaq vakant iş yerləri barədə məlumatların müvafiq elektron sistemə daxil edilməsi üçün sahibkarlara müraciət olunub. Artıq KOBİA-nın çağrışı ilə 200-ə yaxın sahibkarlıq subyekti 340-dan çox vakant iş yerini qazilərimizin və şəhidlərimizin ailə üzvlərinin məşğulluğuna dəstək üçün təqdim edib. Hazırda sahibkarlar tərəfindən vakant iş yerlərinin müvafiq elektron sistemə daxil edilməsi davam etdirilir.

Həmçinin, Agentlikdə yaradılacaq iş yerləri barədə məlumatlar şəhidlərimizin ailə üzvlərinin və müharibədə yaralanmış qazilərimizin iş yerləri ilə təminatı üçün müvafiq elektron sistemə daxil ediləcək.

Qeyd edək ki, bu yaxınlarda Vətən Müharibəsi iştirakçısı KOBİA-da işlə təmin edilib.

Son xəbərlər

Orphus sistemi