İki ölkə Azərbaycandan peçenye tədarükünü bərpa edib

Bu ilin yanvar-fevral aylarında Azərbaycana xaricdən 4,72 milyon ABŞ dolları dəyərində 2 min 699 ton quru peçenye (şirin) gətirilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə dəyər ifadəsində 2,3 dəfə, kəmiyyət olaraq – 30 % artıb.

Türkiyədən 2,06 milyon ABŞ dolları dəyərində 826,71 ton, İrandan 939,99 min ABŞ dolları dəyərində 1 min 161 ton, Rusiyadan 857,47 min ABŞ dolları dəyərində 428,82 ton, Ukraynadan 468,22 min ABŞ dolları dəyərində 181,1 ton, İtaliyadan 58,36 min ABŞ dolları dəyərində 9,49 ton məhsul alınıb.

Bir il əvvəlki göstəricilərlə müqayisədə Türkiyədən tədarük müvafiq olaraq 49,3 % və 50,2 % artıb, İrandan – 94,4 % və 95,6 % artıb, Rusiyadan – 23 % və 18,9 % azalıb, Ukraynadan – 7,5 % və 26,1 % azalıb, İtaliyadan – 19,6 % və 36,7 % azalıb.

Hesabat dövründə Azərbaycandan xaricə 62,3 min ABŞ dolları dəyərində 48,86 ton quru peçenye (şirin) göndərilib ki, bu da ötən ilin eyni dövrü ilə müqayisədə müvafiq olaraq 2,5 dəfə və 75 % artıb.

Gürcüstana 29,78 min ABŞ dolları dəyərində 23,33 ton, İraqa 17,44 min ABŞ dolları dəyərində 15,84 ton, Türkiyəyə 14,03 min ABŞ dolları dəyərində 9,1 ton, Ukraynaya 1,06 min ABŞ dolları dəyərində 0,6 ton məhsul satıb.

Bir il əvvəlki göstəricilərlə müqayisədə Gürcüstana ixrac müvafiq olaraq 2,5 dəfə və 84,4 % artıb. Bir il 8 aylıq fasilənin ardından İraqa, 1 illik aradan sonra Türkiyəyə tədarük bərpa edilib. Ötən ilin ilk iki ayı ərzində Ukrayna Azərbaycandan peçenye almayıb.