İran Ticarət Palatasının baş katibi Azərbaycana səfərə gəlib

İran Ticarət Palatasının baş katibi Əlireza Əşrəf Azərbaycana səfərə gəlib.

Bu barədə "Report"a İranın Azərbaycandakı səfirliyindən bildirilib.        

Qeyd olunub ki, Ə.Əşrəf və İran Parlamentinin Proqram və Büdcə Komissiyasının rəhbərliyi altında İran İslam Respublikasının İslami Şura Məclisinin 5 nəfərdən ibarət heyəti bu gün Bakıya gəlib. 

Heyət Azərbaycan Respublikasının İqtisadiyyat naziri Şahin Mustafayevlə görüşəcək, Bakı Beynəlxalq Dəniz Ticarət Limanını ziyarət edəcək.