Gürcüstanın xarici ticarət dövriyyəsi 26 % artıb

Ötən il Gürcüstanın xarici ticarət dövriyyəsinin həcmi 14 milyard 319,4 milyon ABŞ dolları təşkil edib.

“Report”un yerli bürosu xəbər verir ki, bu barədə Gürcüstanın Milli Statistika İdarəsinin hesabatında bildirilib.

Sənədə əsasən, bu, illik müqayisədə 25,6 % çoxdur.

2021-ci ildə qonşu ölkənin ixracının dəyəri 26,9 % artaraq 4 milyard 242,3 milyon dollar, idxalının dəyəri isə 25,1 % artaraq 10 milyard 077 milyon ABŞ dollarına bərabər olub.

Hesabat dövründə 5 milyard 834,7 milyon dollarlıq kəsir yaranıb ki, bunun da ümumi xarici ticarət dövriyyəsindəki payı 40,7 %-dir.