Gürcüstanın builki avtomobil ixracının 48 %-i Azərbaycanın payına düşüb

Bu ilin ilk yarısında Azərbaycan Gürcüstandan 129,3 milyon ABŞ dolları dəyərində 14 498 ədəd minik avtomobili idxal edib.

“Report”un yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

İllik müqayisədə avtomobillərin sayı 2 480 ədəd və yaxud 14,2 % azdır.

Hesabat dövründə Gürcüstandan ümumilikdə 269,3 milyon ABŞ dolları dəyərində avtomobil təkrar ixrac edilib ki, bunun da 48 %-i Azərbaycana yönəlib.