Gürcüstanın bu il ixrac etdiyi avtomobillərin 55%-ni Azərbaycan alıb

Bu ilin yanvar-noyabrında Gürcüstandan Azərbaycana 228,3 milyon ABŞ dolları dəyərində 35 385 ədəd minik avtomobili ixrac olunub.

“Report”un yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

Ötən ilin eyni dövrü ilə müqayisədə avtomobillərin sayı 14 302 ədəd və yaxud 67,8 % artıb.

İlk 11 ayda Gürcüstandan təkrar ixraca ümumi dəyəri 417,6 milyon ABŞ dolları olan avtomobil yönəldilib ki, bunun da 55 %-i Azərbaycanın payına düşüb.