Gürcüstanın Azərbaycandan idxalı 17% azalıb

Bu ilin ilk 7 ayında Gürcüstan Azərbaycandan 277,8 milyon ABŞ dolları dəyərində məhsul idxalı həyata keçirib.

“Report”un Gürcüstan bürosu xəbər verir ki, bu barədə ölkənin Milli Statistika İdarəsinin hesabatında bildirilir.

Qonşu ölkə Azərbaycan məhsullarının idxalını illik müqayisədə 16,9% azaldıb.

Yanvar-iyulda Azərbaycan Gürcüstanın ümumi idxalındakı payı 6,5%-ə bərabər olub. Bu göstərici ilə Azərbaycan qonşu ölkənin Türkiyə, Rusiya və Çindən sonra dördüncü əsas idxal tərəfdaşı olub.