Gürcüstanda işsizlik səviyyəsi 22 %-i keçib

Bu ilin II rübündə Gürcüstanda işsizlik səviyyəsi 22,1 % olub.

“Report”un yerli bürosu xəbər verir ki, bu barədə ölkənin Milli Statistika İdarəsindən bildirilib.

Məlumata əsasən, göstəricidə illik müqayisədə 3,8 % artım qeydə alınıb.

Aprel-iyunda şəhərlərdə işsizlik 24,1 % (+2,3 %), kənd yerlərində isə 19 % (+6,2 %) təşkil edib.

Kişilər arasında bu göstərici illik müqayisədə 5,7 % artaraq 24,5 %, qadınlar arasında isə 1,2 % artaraq 18,9 %-ə yüksəlib.