Gürcüstan iqtisadiyyatı 16% böyüyüb

Bu ilin yanvar-fevral aylarında Gürcüstanda istehsal edilmiş Ümumi Daxili Məhsulun (ÜDM) real dəyəri ötən ilin eyni dövrü ilə müqayisədə 16,3% çox olub.

“Report”un yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

Məlumata görə, təkcə fevralda iqtisaai artım isə 1 il əvvələ nisbətən 14,6% təşkil edib. Ötən ay artım istehsal, nəqliyyat və anbar təsərrüfatı, elektrik, qaz, buxar və kondisioner təchizatı, mehmanxana və restoranlar, daşınmaz əmlak, incəsənət, əyləncə və rekreasiya, mədənçıxarma sənayesində olub.