Gürcüstan Azərbaycandan elektrik enerjisi idxalını artırıb

Tbilisi. 22 yanvar. REPORT.AZ/ Ötən il Azərbaycandan Gürcüstana 63 mln. 446,5 min dollar dəyərində elektrik enerjisi ixrac olunub.

“Report”un Gürcüstan bürosu xəbər verir ki, bu barədə ölkənin Milli Statistika İdarəsinin hesabatında bildirilib.

Qonşu ölkənin Azərbaycandan idxal etdiyi elektrik enerjisi məbləğ baxımından illik müqayisədə 16 mln. 331,2 min dollar və ya 35% artıb.

Qeyd edək ki, 2017-ci ildə Gürcüstan Azərbaycandan 47 mln. 115,3 min dollar dəyərində elektrik enerjisi idxal edib.