Gürcüstan Azərbaycandan çay idxalını artırıb

Bu ilin yanvar-sentyabr aylarında Gürcüstan Azərbaycandan 3,57 milyon ABŞ dolları dəyərində 572 ton çay idxal edib.

“Report”un yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

Ötən ilin eyni dövrünə nisbətdə məhsulun həcmi 37,8 ton və yaxud 7 % artıb.

9 ay ərzində Azərbaycan qonşu ölkədən 1,78 milyon ABŞ dolları dəyərində 260,35 ton çay tədarük edib. Bu, illik müqayisədə 27 % çoxdur.