Əli Əsədov: “Türkiyədə Azərbaycan kapitallı 2 minə yaxın şirkət var”

“Hazırda Türkiyədə Azərbaycan kapitallı 2 minə yaxın şirkət fəaliyyət göstərir. Azərbaycanlı iş adamları bu baxımdan Qafqaz və Mərkəzi Asiya ölkələrindən olan iş adamları arasında liderdir”.

“Report” xəbər verir ki, bunu Baş Nazir Əli Əsədov Ankarada keçirilən Türkiyə-Azərbaycan iş adamları forumunda bildirib.

“Azərbaycan və Türkiyə arasında əməkdaşlığın bütün sahələrdə inkişafına yeni təkan verilib. İki ölkə arasında ticarət dövriyyəsinin, sərmayə qoyuluşunun, turist səfərlərinin artmasına, xalqların bir-biri ilə daha da yaxınlaşmasına imkan yaranacaq”, - o qeyd edib.