Dünya pərakəndə ticarət bazarında mühüm sövdələşmə olub

Dünyada ən iri pərakəndə ticarət şəbəkələrindən birinə malik İsveçrənin “Migros-Genossenschafts-Bund” (MGB) şirkəti "Globus" lüks ticarət şəbəkəsini satdığını açıqlayıb.

“Report” “Kommersant”a istinadən xəbər verir ki, şəbəkənin alıcısı Avropada bir sıra bahalı dükanlar sahibi olan “Signa” və “Central Group” şirkətləridir. 

Alış-verişin dəyəri 1 milyard ABŞ dollarıdır.

"Globus" şəbəkəsinə müştəri axtarılması ötən ilin yayından bəllidir, “Signa” və “Central Group” da o vaxtdan mümkün alıcılar sırasında sayılıb. İndi də "Globus"un “European Luxury Department Store Group”a daxil olması ilə holdinq Almaniya, Avstriya, Danimarka, İsveçrə, İtaliya bazarlarının müvafiq seqmentində lider olacaq.