Deputat KOB-ların tenderlərdə iştirakının asanlaşdırılmasını təklif edir

Kiçik və orta sahibkarların tenderlərdə iştirakı zamanı çox sənəd istənilir.

"Report" xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin iclasında deputat Məşhur Məmmədov deyib.

Onun sözlərinə görə, bu, bir sıra hallarda KOB-ların tenderdə iştirak etməməsinə səbəb olur.

"Təklif edirəm ki, KOB-ların tenderdə iştirakı zamanı lazım olan sənədlər portallardan götürülsün. Bu, KOB-ların üzərindən yükün bir qədər azalmasına səbəb olar. Nəticədə KOB-ların tenderlərdə iştirakı da artar", - deputat bildirib.