Deputat: "Dövlət KOB-ların ixracını dəstəkləməlidir"

"Azərbaycanda dövlət kiçik və orta biznes (KOB) subyektlərinin ixracını dəstəkləməlidir. Bu olmadığı üçün sahibkarlar məhsullarını xarici bazara çıxara bilmir".

"Report" xəbər verir ki, bunu Milli Məclisin deputatı Elşad Mirbəşir parlamentin bu gün keçirilən plenar iclasında deyib.

"KOB-lar yaradılarkən sahibkarlara müəyyən dəstək verilir, amma onların ixracı dəstəklənmir. Halbuki, əksər ölkələrdə müəssisələrin 90 %-i mikro, kiçik və orta sahibkarlıq subyektlərinə məxsusdur. Məşğulluğun isə 70 %-ni onlar təmin edir", - deyə o, qeyd edib.