BVF ABŞ dövlət istiqrazları ilə bağlı mənfi proqnoz verib

Amerika Birləşmiş Ştatları dövlət istiqrazlarına tələbin azalması riski ilə üzləşə bilər.

Bu barədə “Report” Beynəlxalq Valyuta Fondunun ölkələrin xarici iqtisadi göstəriciləri üzrə hesabatına istinadən məlumat yayıb.

“Məsələn, fiskal dayanıqlığın bərpa olunmaması səbəbindən reallaşa biləcək bu risk ABŞ dollarının ehtiyat valyuta kimi dominant statusunu nəzərə alaraq mülayim olaraq qalır”, - deyə məlumatda qeyd olunub.

Ümumiyyətlə, fondun ekspertləri hesab edirlər ki, ABŞ-ın investisiya cəlbediciliyi baxımından bir sıra müsbət tendensiyalar var, lakin ölkə iqtisadiyyatı maliyyə sabitliyi riskləri ilə üz-üzədir.

BVF-nin fikrincə, vəziyyəti sabitləşdirmək proqnozlaşdırıla bilən siyasi sistem və cəlbedici investisiya imkanları sayəsində mümkündür.