Bu il Azərbaycanın içki ixracından gəliri 24 %-dək azalıb

Bu ilin yanvar-fevral aylarında Azərbaycan 1,387 milyon ABŞ dolları dəyərində alkoqollu və alkoqolsuz içkilər və sirkə ixrac edib.

“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 0,432 milyon ABŞ dolları (23,75 %) azdır.

İki ay ərzində Azərbaycanın alkoqollu və alkoqolsuz içkilər və sirkə idxalının dəyəri isə 8,139 milyon ABŞ dolları olub ki, bu da 1 il əvvələ nisbətən 1,162 milyon ABŞ dolları (16,66 %) çoxdur.

Hesabat dövründə alkoqollu və alkoqolsuz içkilər və sirkə üzrə idxal Azərbaycanın ümumi idxalının 0,43 %-ni, ixrac isə ümumi ixracın 0,07 %-ni təşkil edib.