“Bir Pəncərə” İxraca Dəstək Mərkəzi ilə ixrac oktyabrda 7 % azalıb

Bu ilin oktyabr ayında “Bir Pəncərə” İxraca Dəstək Mərkəzi vasitəsilə həyata keçirilmiş qeyri-neft ixracının dəyəri 18,4 milyon ABŞ dolları təşkil edib.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin (İİTKM) hazırladığı “İxrac icmalı”nın oktyabr sayında bildirilir.

Sənədə əsasən, bu, ötən ilin eyni dövrü ilə müqayisədə 1,3 milyon ABŞ dolları yaxud 6,6 % azdır.

2023-cü ilin yanvar-oktyabr aylarında isə Mərkəzin xətti ilə 179,4 milyon ABŞ dolları dəyərində qeyri-neft ixracı həyata keçirilib ki, bu da 1 il əvvələ nisbətən 30,2 milyon ABŞ dolları yaxud 14,4 % azdır.