Bakıda “Hindistanın ən yaxşıları” adlı sərgi keçirilir

Bu gün Bakıda Hindistan istehsalı olan məhsulların nümayiş edildiyi “Hindistanın ən yaxşıları” adlı sərgi keçirilir.

"Report" xəbər verir ki, sərgidə düyü, çay, ədviyyat, sənətkarlıq məhsulları, ev mebeli, tekstil və geyim, zinət əşyaları, kosmetika da daxil olmaqla yüksək keyfiyyətli məhsul və xidmətlər sərgiləyən 40-dan çox Hindistan şirkəti iştirak edir.

Bu, 2019-cu ildə 2-ci belə sərgidir.

Xatırladaq ki, 2018-ci ildə Hindistan və Azərbaycan arasında ticarət dövriyyəsinin dəyəri 923 milyon ABŞ dolları təşkil edib.