"Azərxalça" ABŞ-da satış nöqtələri açacaq

"Azərxalça" ASC-nin satış nöqtələrinin Amerika Birləşmiş Ştatlarında (ABŞ) açılması ilə bağlı danışıqlar aparılır.

Bunu “Report”a qurumun sədri Emin Məmmədov deyib.

E. Məmmədov vurğulayıb ki, Azərbaycan xalçaları hazırda Rusiyada, Bruneydə, Dubayda satılır və bu ölkələrin sayı genişlənir: "ABŞ da satışlar tezliklə başlayacaq".

Onun sözlərinə görə, satışlar həmçinin onlayn formada aparılacaq: "Bu baxımdan satışlarımız dəfələrlə artıb".

"Azərxalça"nın rəhbəri bildirib ki, bu işlərlə bağlı yol xəritəsi hazırlanıb və gələcək fəaliyyət bu xəritə üzrə aparılacaq.

"Azərbaycan xalçaları bizim xalq sənətimiz, mədəni irsimizdir. Biz yeni inkişafa başlamışıq və qısa müddətdə tamamilə hər şeyi dəyişə bilərik", - E. Məmmədov deyib.