Azərbaycanla Türkiyə arasında iqtisadi əməkdaşlığın daha da genişləndirilməsi təklif edilir

Azərbaycanla Türkiyə arasında iqtisadi əməkdaşlığın daha da genişləndirilməsi təklif edilir “Azərbaycan və Türkiyə arasında ticarət dövriyyəsinin dəyəri2 milyard ABŞ dollarınıötüb. Məqsədimiz bu rəqəmi daha da artırmaqdır”.
Biznes
434
16 İyul , 2020 17:48
Azərbaycanla Türkiyə arasında iqtisadi əməkdaşlığın daha da genişləndirilməsi təklif edilir
Nail Olpak

“Azərbaycan və Türkiyə arasında ticarət dövriyyəsinin dəyəri 2 milyard ABŞ dollarını ötüb. Məqsədimiz bu rəqəmi daha da artırmaqdır”.

“Report” xəbər verir ki, bunu Türkiyənin Xarici İqtisadi Əlaqələr Qurumunun (Dış Ekonomik İlişkiler Kurumu - DEİK) sədri Nail Olpak “Türkiyə-Azərbaycan biznes əlaqələri” adlı onlayn görüşdə bildirib.

“Koronavirus pandemiyasına qarşı tədbirlər çərçivəsində Bakı-Tbilisi-Qars dəmir yolu xəttinə əlavə 3 500 ton yük daşınmasını təmin edən konteyner ötürmə sistemi qurmaq hamımız üçün vacibdir. Pandemiya ölkələrdə əsasən turizm sənayesinə mənfi təsir göstərib. Amma sağlamlıq turizmi çərçivəsində iki ölkənin əməkdaşlığı mümkündür. Azərbaycanla Türkiyə arasında ticarətdə milli valyutalardan istifadə ilə bağlı məsələlər müzakirə olunur, bu da bizim həyatımıza rahatlıq gətirəcək”, - Türkiyə rəsmisi əlavə edib.