Azərbaycanın xarici ticarət dövriyyəsinin müsbət saldosu 16% artıb

Bu ilin yanvar-mart aylarında Azərbaycan 7 620,126 mln. ABŞ dolları dəyərində xarici ticarət əməliyyatı aparıb.

“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 37,4% çoxdur.

3 aylıq ticarət dövriyyəsinin 4 484,549 mln. dolları ixracın, 3 135,576 milyon dolları idxalın payına düşüb. Son 1 ildə ixrac 33,7%, idxal isə 43,1% artıb.

Son nəticədə xarici ticarətdə 1 348,972 mln. dollarlıq müsbət saldo yaranıb ki, bu da illik müqayisədə 15,9% çoxdur.