Azərbaycanın Türkiyədən metal idxalına çəkdiyi xərci 7 % azaldıb

Bu ilin yanvar ayında Azərbaycan Türkiyədən 8 milyon ABŞ dolları dəyərində qara və əlvan metal idxal edib.

“Report” bu barədə Türkiyə Ticarət Nazirliyinə istinadən xəbər verir.

Bu, ötən ilin eyni dövrünə nisbətən 6,8 % azdır. Türkiyənin Azərbaycana qara və əlvan metal ixracı ümumi ixracının 5,5 %-ni təşkil edib.

Hesabat dövründə Türkiyənin ümumi qara və əlvan metal ixracı illik müqayisədə 10,5 % azalaraq 940 milyon ABŞ dollarına enib. Yanvarda Türkiyədən ən çox qara və əlvan metal idxalını Almaniya (119,2 milyon ABŞ dolları; illik müqayisədə 15,5 % az), İtaliya (63 milyon ABŞ dollar; 16,5 % az), ABŞ (48,8 milyon ABŞ dolları; 15,2 % az) və İngiltərə (43,7 milyon ABŞ dolları; 6,6 % az) həyata keçirib.