Azərbaycanın ləğv olunan yod istehsalçısının qalıq əmlakları bölüşdürüləcək

Sentyabrın 25-də, saat 11:00-da ləğv prosesində olan “Bakı Yod” ASC-nin səhmdarlarının növbədənkənar ümumi yığıncağının keçiriləcək.

“Report” bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetinə istinadən xəbər verir.

Məlumata görə, yığıncaq Bakı şəhəri, Nərimanov rayonu, Ələsgər Qayıbov küçəsi, 10 ünvanında olacaq.

Yığıncağın gündəliyinə səhmdar cəmiyyətinin qalıq əmlaklarının bölüşdürülməsi planını əks etdirən hesabatın və son ləğv balansının təsdiq edilməsi, eləcə də Mülki Məcəllə ilə nəzərdə tutulmuş digər məsələlər daxildir.

Xatırladaq ki, "Bakı Yod" 2002-ci ildə yaradılıb. Onun nizamnamə kapitalı 202 968 manatdır.