Azərbaycanın aparıcı sement istehsalçısının səhmdarlarının yığıncağı keçiriləcək

Martın 19-da, saat 11:00-da “Neqsol Holdinq” MMC-yə məxsus “Norm” ASC-nin səhmdarlarının növbədənkənar ümumi yığıncağı keçiriləcək.

“Report” xəbər verir ki, yığıncaq Bakı şəhəri, Qaradağ rayonu, Ümid qəsəbəsi, Salyan şosesi (Səngərqaya-1 yolu), 7-ci km, 1 ünvanında olacaq.

Yığıncağın gündəliyinə şirkətin Direktorlar Şurasının yeni tərkibinin təsdiq edilməsi, eləcə də nizamnaməsinə digər dəyişikliklərin təsdiq edilməsi və dövlət qeydiyyatı məlumatlarında baş vermiş dəyişikliklərin qeydiyyata alınması məsələləri daxildir.

Xatırladaq ki, “Norm” 2006-cı ildə yaradılıb, ölknin aparıcı sement istehsalçılarından biridir. Onun nizamnamə kapitalı 161,962 milyon manatdır.