Azərbaycanın aparıcı quşçuluq müəssisəsi nizamnamə kapitalını azaldır

Azərbaycanın aparıcı quşçuluq müəssisəsi, "Səba" əmtəə nişanının sahibi “Chicken Pro.” MMC nizamnamə kapitalını 242 496 manat və yaxud 0,75 % azaldır.

“Report” xəbər verir ki, son nəticədə şirkətin kapitalı 32 345 955 manatdan 32 103 459 manata endiriləcək.

Cəmiyyətin debitor və kreditorlarının nizamnamə kapitalı azalan hüquqi şəxsin öhdəliklərinin xitam verilməsini və vaxtından əvvəl icra olunmasını, zərərin əvəzinin ödənilməsini tələb etmək hüquqları var. Müraciətlər Abşeron rayonu, Xırdalan şəhəri, Heydər Əliyev prospekti, 1 ünvanında qəbul edilir.

Xatırladaq ki, “Chicken Pro.” bu ilin iyun ayında dövlət qeydiyyatına alınıb.