Azərbaycanın aparıcı holdinqi 2 konserv zavodunu bağlayır

Noyabrın 30-da, saat 11:00-da “Lənkəran-Konserv” ASC-nin, dekabrın 7-də, saat 11:00-da isə "Qazax Konserv Zavodu" ASC-nin səhmdarlarının növbədənkənar ümumi yığıncağı keçiriləcək

“Report” xəbər verir ki, yığıncaqlar müvafiq olaraq Lənkəran şəhəri, Əli Bayramov küçəsi, 77 və Qazax şəhəri, Əliağa Şıxlinski küçəsi, 105 ünvanlarında baş tutacaq.

Hər iki yığıncağın gündəliyinə "Azərsun Holdinq" MMC-yə daxil olan bu səhmdar cəmiyyətlərinin ləğv edilməsi məsələsi daxildir.

Xatırladaq ki, “Lənkəran-Konserv” 1997-ci ildə, "Qazax Konserv Zavodu" isə 1998-ci ildə dövlət qeydiyyatına alınıb. Onların nizamnamə kapitalları müvafiq olaraq 2 862,4 min manat və 1 158,6 min manatdır.