Azərbaycanda uyğunluğu qiymətləndirən qurumun akkreditasiyası ləğv olunub

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti “AZSERTCENTER” MMC-nin istehlakçıları və sahibkarlıq subyektlərini çaşdırmaqla ona verilmiş icazədən sui-istifadə edərək səlahiyyəti olmadığı halda, bir sıra istehlak mallarına qanunsuz uyğunluq sertifikatları təqdim etdiyini üzə çıxarıb.

Bu barədə "Report"a Dövlət Xidmətindən bildirilib.

Məlumata görə, bunu nəzərə alaraq qurumun tabeliyində olan Azərbaycan Akkreditasiya Mərkəzi şirkətin uyğunluğun qiymətləndirilməsi (sertifikatlaşdırma) fəaliyyətinə verilmiş akkreditasiya attestatını ləğv edib.