Azərbaycanda stasionar nəqletmə vasitələri ilə daşımaların həcmi azalıb

Bu ilin yanvar-sentyabr aylarında Azərbaycanda stasionar nəqletmə vasitələri ilə 17 milyard 293 milyon 190 min ABŞ dolları dəyərində 31 milyon 883 min 449 ton məhsul daşınıb.

“Report” Dövlət Gömrük Komitəsinə istinadla xəbər verir ki, 2023-cü ilin eyni dövrü ilə müqayisədə daşımaların dəyəri 28,7 %, həcmi isə 12,8 % azalıb.

O cümlədən, ötən 9 ay ərzində stasionar nəqletmə vasitələri ilə 17 milyard 210 milyon 448 min ABŞ dolları dəyərində 31 milyon 546 min 328 ton məhsul ixrac olunub, 82 milyon 741 min ABŞ dolları dəyərində 337 min 120 ton məhsul idxal olunub.

Yanvar-sentyabr aylarında ixrac olunan məhsulların dəyəri 28,1 %, həcmi 10 % azalıb, idxal olunan məhsulların dəyəri isə 4 dəfə, həcmi 4,2 dəfə azalıb.