Azərbaycanda qiymətli metal axtaran beynəlxalq şirkət nümayəndəliyini bağlayıb

Bakı. 30 may. REPORT.AZ/ “Londex Resources S.A.” şirkəti Azərbaycandakı nümayəndəliyinin ləğv olunduğunu elan edib.

“Report” xəbər verir ki, bu barədə Vergilər Nazirliyinin “Vergilər” qəzetinin xüsusi buraxılışında məlumat verilib.

Kreditorlar iki ay ərzində tələblərini Bakı şəhəri, Ələsgər Qayıbov küçəsi, 10Q, STN Plaza 11-ci mərtəbə ünvanına bildirə bilərlər.

2006-cı ildən Azərbaycanda fəaliyyət göstərən “Londex Resources S.A.” geoloji şirkəti mədən layihələrinə maliyyə dəstəyi üçün investisiya şirkətləri tərəfindən yaradılan konsorsiumun başında durub.