Azərbaycanda qadınlar üçün inkubasiya mərkəzləri yaradılacaq

Bakı. 6 mart. REPORT.AZ/ “Azərbaycanda qadınlar üçün inkubasiya mərkəzlərinin yaradılması nəzərdə tutulur”.

“Report” xəbər verir ki, bunu İqtisadiyyat Nazirliyinin tabeliyindəki Kiçik və Orta Biznesin İnkişafı Agentliyi (KOBİA) İdarə Heyətinin sədri Orxan Məmmədov Bakıda keçirilən “She Congress 2019” adlı konfransda bildirib.

“Azərbaycanda qadınların təşəbbüslərinin artması mühüm əhəmiyyət kəsb edir. Sevindirici haldır ki, qadınlar ölkə həyatında mühüm rol oynayırlar. KOBİA da bu istiqamətdə bir sıra tədbirlər həyata keçirir. Qadın sahibkarlarla əlaqələrimizin genişləndirilməsi məqsədlərimizdən biridir. Bununla da, Azərbaycanda qadınların ictimai fəallığı daha da artacaq”, - o qeyd edib.