Azərbaycanda pambıq və tütün istehsalçıları güzəştli kreditləri daha aşağı faizlə alacaq

Bakı. 18 aprel. REPORT.AZ/ İqtisadiyyat Nazirliyi yanında Sahibkarlığa Kömək Milli Fondu pambıq və tütün istehsalçılarına güzəştli kreditləri daha aşağı faizlə verəcək.

"Report" xəbər verir ki, bunu Fondun icraçı direktoru Şirzad Abdullayev deyib.

“Çalışırıq ki, bu sahələrdəki istehsalçılar kreditləri maksimum aşağı faiz dərəcəsi ilə alsın. Həmçinin süd emalı müəssisələrinə də güzəşli kreditlərin verilməsi nəzərdə tutulur", - deyə o, qeyd edib.

Bundan başqa, Ş.Abdullayev deyib ki, bu il Azərbaycanda 39 istehsal emal müəssisəsi istifadəyə verəcək: “Elə sahələr var ki, bununla idxalın qarşısını alacağıq və ixrac imkanları yaradacağıq”.