Azərbaycanda ötən il sahibkarlara 47 milyon manat sanksiya tətbiq edilib

2023-cü ildə Azərbaycanda vergi orqanları 14,6 min obyektdə vergi nəzarəti tədbirləri həyata keçirib.

“Report” xəbər verir ki, bu barədə Nazirlər Kabinetinin 2023-cü ildə fəaliyyəti haqqında hesabatda bildirilir.

Sənədə əsasən, bu obyektlərin 12,3 minində və yaxud 84 %-də qanun pozuntusu faktları aşkar olunub. Nəzarət tədbirlərinin nəticələrinə görə 16,5 min akt, o cümlədən qanun pozuntusunun aşkarlanmasına dair 13,7 min, pozuntu faktının olmamasına dair isə 2,8 min akt tərtib edilib, qanunvericiliyin tələblərinə əməl etməyən vergi ödəyicilərinə ümumilikdə 46,9 milyon manat maliyyə sanksiyası və 28 min manat inzibati cərimə tətbiq edilib.