Azərbaycanda KOB-larla bağlı Strateji Yol Xəritəsi 88% icra olunub

2016-2021-ci illərdə Azərbaycanda “Kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi” 88% icra olunub.

"Report" İqtisadi İslahatların Təhlili və Kommunikasiya Mərkəzinə (İTTKM) istinadən xəbər verir ki, bunu qurumun icraçı direktoru Vüsal Qasımlı bildirib.

O, bu barədə Türkiyənin KOSGEB təşkilatının İdarə Heyəti sədrinin müavini Salih Tuna Şahinin başçılıq etdiyi nümayəndə heyəti ilə görüşdə danışıb.