Azərbaycanda hava nəqliyyatı ilə daşınan yüklərin dəyəri 11 %-dən çox artıb

Bu ilin yanvar-iyul aylarında Azərbaycanda hava nəqliyyatı ilə 1 milyard 8 milyon 774 min ABŞ dolları dəyərində 52 min 846 ton yük daşınıb.

“Report” Dövlət Gömrük Komitəsinə istinadla xəbər verir ki, bunlar, ötən ilin eyni dövrü ilə müqayisədə müvafiq olaraq 11,3 % və 9,6 % çoxdur.

O cümlədən, 7 ay ərzində hava nəqliyyatı ilə 180 milyon 143 min ABŞ dolları dəyərində 46 min 534 ton yük ixrac olunub, 828 milyon 630 min ABŞ dolları dəyərində 6312 ton yük idxal olunub.

Hesabat dövründə ixrac olunan yükün dəyəri 10,2 %, həcmi 9,2 %, idxal olunan yükün isə dəyəri 11,5 %, həcmi 12,6 % artıb.