Sahib Ələkbərov: "Azərbaycanda məcburi nişanlanmalı olan məhsulların siyahısı artıq Nazirlər Kabinetinə təqdim olunub"

"Azərbaycanda məcburi nişanlanmalı olan məhsulların siyahısı artıq Nazirlər Kabinetinə təqdim olunub".

 Report xəbər verir ki, bunu jurnalistlərə Vergilər nazirinin müavini Sahib Ələkbərov deyib.

"Bu çox ciddi məsələdir və müzakirələr davam edir. Çox ağır və uzun müddət tələb edən prosesdir", - S.Ələkbərov bildirib. 

Nazir müavini əlavə edib ki, siyahının ilin sonuna qədər təsdiqlənməsi gözlənilir: "İstəyirik ki, İlkin olaraq bu gün mövcud aksiz markası ilə markalanmalı olan məhsullardan başlayaq. Siyahıda spirtli içkilər, siqaret, energetik içkilər, dərman preparatları və su nəzərdə tutulur".