Azərbaycanda dəmir yolu nəqliyyatı ilə idxal-ixrac yüklərinin daşınması azalıb

Bu ilin yanvar-fevral aylarında Azərbaycanda dəmir yolu nəqliyyatı ilə 474 milyon 799 min ABŞ dolları dəyərində 1 milyon 105 min 889 ton idxal-ixrac yükü daşınıb.

Bu barədə “Report” Dövlət Gömrük Komitəsinə istinadən xəbər verir.

Bu, ötən ilin eyni dövrü ilə müqayisədə dəyər baxımından 31,4 %, həcm baxımından 17,6 % azdır.

Hesabat dövründə dəmir yolu nəqliyyatı ilə ixrac olunan yüklərin həcmi 431 min 447 ton (13,4 % az), dəyəri isə 126 milyon 287 min ABŞ dolları (70,5 % az) təşkil edib.

Qeyd edilən dövrdə 348 milyon 512 min ABŞ dolları (17,2 % az) dəyərində 674 min 442 ton (20,3 % az) yük idxal olunub.