Azərbaycanda avtomobil nəqliyyatı ilə yükdaşımanın həcmi 10 %-ə yaxın artıb

Bu ilin yanvar-avqust aylarında Azərbaycanda avtomobil nəqliyyatı ilə 7 milyard 832 milyon 988 min ABŞ dolları dəyərində 3 milyon 508 min 480 ton yük daşınıb.

“Report” Dövlət Gömrük Komitəsinə istinadən məlumat verir ki, bu, 2022-ci ilin müvafiq dövrünə nisbətən dəyər ifadəsində 18,5 %, kəmiyyət baxımından 9,7 % artıb.

Həmçinin cari ilin 8 ayında avtomobil nəqliyyatı ilə ixracın dəyəri 1 milyard 192 milyon 319 min ABŞ dolları (0,4 % az), həcmi 1 milyon 329 min 650 ton (6,5 % çox) olub. İdxalın isə dəyəri 6 milyard 640 milyon 668 min ABŞ dolları (22,7 % çox), həcmi 2 milyon 178 min 830 ton (11,7 % çox) təşkil edib.