Azərbaycanda avtomobil nəqliyyatı ilə yükdaşımaları 10 % artıb

Bu ilin yanvar-noyabr aylarında Azərbaycandan avtomobil nəqliyyatı ilə 4 milyon 927 min 664 ton yük daşınıb ki, bu da 2022-ci ilin müvafiq dövrünə nisbətən 10 % artım deməkdir.

“Report” Dövlət Gömrük Komitəsinə istinadən xəbər verir ki, daşınan yüklərin dəyəri 18 %-lik artımla 11 milyard 669 min ABŞ dolları olub.

Həmçinin bu ilin 11 ayında avtomobil nəqliyyatı ilə 1 milyard 643 milyon 258 min ABŞ dolları (2,7 % artım) dəyərində 1 milyon 837 min 121 ton (7 % artım) yük ixrac olunub.

Bu dövrdə 9 milyard 357 milyon 411 min ABŞ dolları (21 % artım) dəyərində 3 milyon 90 min 543 ton (11,5 % artım) yük idxal olunub.