Azərbaycan Yəməndən vafli tədarük etməyə başlayıb  

Bu ilin yanvar-mart aylarında Azərbaycan 5,84 milyon ABŞ dolları dəyərində 1 min 833 ton vafli və vafli həbləri idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2023-cü ilin eyni dövrünün göstəricisindən dəyər ifadəsində 21 %, kəmiyyət olaraq – 35 % çoxdur.

Hesabat dövründə Azərbaycan Türkiyədən 2,41 milyon ABŞ dolları dəyərində (bir il əvvəlki göstəricidən 49 % çoxdur) 503 ton (+50 %), Rusiyadan 1,81 milyon ABŞ dolları dəyərində (+75 %) 897 ton (+90 %), Ukraynadan 510 min ABŞ dolları dəyərində (+2,8 dəfə) 163 ton (+2,8 dəfə), Bolqarıstandan 429 min ABŞ dolları dəyərində (-31 %) 92 ton (-41 %), Almaniyadan 212,6 min ABŞ dolları dəyərində (-76 %) 36 ton (-80 %) məhsul alıb.

Bu il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Yəməndən (35,32 min ABŞ dolları dəyərində 9,84 ton) tədarük həyata keçirilib.

2023-cü ildə Azərbaycana 29 ölkədən idxal edilmiş 5 min 943 ton vaflinin 45,5 %-i Rusiyanın payına düşüb.