Azərbaycan yem ixracını 37 dəfə artırıb

Bu ilin I yarısında Azərbaycan 197 min ABŞ dolları dəyərində 1 min 041 ton yem məhsulu (şalğam, yem çuğunduru, ot, yonca, digər) ixrac edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə dəyər ifadəsində 70 dəfə, kəmiyyət olaraq – 37 dəfə çoxdur.

Hesabat dövründə Küveytə 189 min ABŞ dolları dəyərində 999 ton (bir il əvvəl tədarük olmayıb) və Qətərə 8 min ABŞ dolları dəyərində 42 ton (tədarük olmayıb) məhsul satılıb.

Ötən il Azərbaycanın ixrac etdiyi (6 ölkəyə) 1 min 533 ton yem məhsulunun 47,7 %-i Birləşmiş Ərəb Əmirliklərinin, 38,6 %-i Küveytin payına düşüb.