Azərbaycan yanvarda Türkiyədən 526 min dollarlıq xalça alıb

Bu ilin yanvar ayında Türkiyə Azərbaycana 526 min ABŞ dolları dəyərində xalça ixrac edib.

“Report” Türkiyə İxracatçılar Məclisinə (TİM) istinadən xəbər verir ki, bu, ötən ilin eyni dövrü ilə müqayisədə 9,2% çoxdur.

Ötən ay Türkiyənin ümumi xalça ixracının dəyəri isə illik müqayisədə 15,6% az - 198,754 milyon dollar təşkil edib. Qonşu ölkənin xalçasının ən böyük idxalçıları ABŞ (62,88 milyon dollar, 34,4% az), Böyük Britaniya (12,477 milyon dollar, 8,7% çox) və Almaniya (11,523 milyon dollar, 20,6% az) olub.