Azərbaycan yanvarda Türkiyədən 146 milyon dollarlıq mal alıb

Bu ilin yanvar ayında Azərbaycan Türkiyədən 146 milyon ABŞ dolları dəyərində mal idxal edib.

“Report” bu barədə Türkiyənin Ticarət Nazirliyinə istinadən xəbər verir.

Məlumata görə, bu, ötən ilin eyni dövrünə nisbətən 14,2 % azdır. Türkiyənin Azərbaycana ixracı ümumi ixracının 0,8 %-ni təşkil edib.

Hesabat dövründə Türkiyənin ümumi ixracının dəyəri illik müqayisədə 1,8 % artaraq 17,208 milyard ABŞ dollara çatıb. Ötən ay Türkiyədən ən çox idxalı Almaniya (1,552 milyard ABŞ dolları; illik müqayisədə 2,5 % az), ABŞ (1,022 milyard ABŞ dolları; 6,1 % çox), İngiltərə (948 milyon ABŞ dolları; 6,6 % çox) və İraq (896 milyon ABŞ dolları; 34,6 % çox) həyata keçirib.