Azərbaycan bu il Ulyanovskdan 114 ton süd məhsulları alıb

Bu ilin əvvəlindən Azərbaycan Rusiyanın Ulyanovsk vilayətindən 114,2 ton süd məhsulları idxal edib.

"Report" bu barədə Rusiyanın Baytarlıq və Fitosanitar Nəzarət üzrə Federal Xidmətinə ("Rosselxoznadzor") istinadən xəbər verir.

Məlumata görə, vilayətdən Azərbaycanla yanaşı, Özbəkistana da 219,2 ton süd məhsulları ixrac edilib. Beləliklə, iki ölkəyə ümumi ixrac 333,4 ton təşkil edib ki, bu da illik müqayisədə 2,5 dəfə çoxdur.

Təkcə avqustda isə bölgədən Azərbaycan və Özbəkistana 49 ton süd məhsulları, əsasən süd tozu və pendir göndərilib.

Məhsullar laboratoriyada yoxlanılıb və idxalçı ölkələrin tələblərinə cavab verib.