Azərbaycan Türkiyədən tütün idxalına çəkdiyi xərci 2,4 dəfə artırıb

Bu ilin yanvar-noyabr aylarında Azərbaycan Türkiyədən 45,501 milyon ABŞ dolları dəyərində tütün idxal edib.

“Report” Türkiyə İxracatçılar Məclisinə istinadən xəbər verir ki, bu, ötən ilin eyni dövrü ilə müqayisədə 2,4 dəfə çoxdur.

Təkcə noyabrda isə Türkiyə Azərbaycana 5,538 milyon ABŞ dolları dəyərində tütün ixrac edib ki, bu da 1 il əvvələ nisbətən 52,4 % azdır.

11 ayda Türkiyənin tütün ixracının ümumi dəyəri illik müqayisədə 14,1 % artaraq 0,855 milyard ABŞ dolları, noyabr ayında isə 9,3 % azalaraq 0,068 milyard ABŞ dolları olub.