Azərbaycan Türkiyədən taxıl və paxlalıların idxalına çəkdiyi xərci 9 %-ə yaxın artırıb

Bu ilin yanvar-noyabr aylarında Azərbaycan Türkiyədən 148,804 milyon ABŞ dolları dəyərində taxıl, paxlalılar, yağlı toxumları və onun məhsullarını idxal edib.

“Report” Türkiyə İxracatçılar Məclisinə istinadən xəbər verir ki, bu, ötən ilin eyni dövrü ilə müqayisədə 8,5 % çoxdur.

Təkcə noyabrda isə Türkiyə Azərbaycana 14,179 milyon ABŞ dollarlıq taxıl, paxlalılar, yağlı toxumları və onun məhsullarını ixrac edib ki, bu da 1 il əvvələ nisbətən 11,3 % azdır.

Hesabat dövründə Türkiyənin taxıl, paxlalılar, yağlı toxumları və onun məhsullarını ixracının ümumi dəyəri illik müqayisədə 3,8 % azalaraq 10 milyard 787 milyon ABŞ dollarına, noyabrda isə 8,6 % azalaraq 1 milyard 64 milyon ABŞ dollarına düşüb.